کوشیان شەش کەس وە گەردەلویل لە میانبار
![کوشیان شەش کەس وە گەردەلویل لە میانبار](https://media.shafaq.com/media/arcella/1682234543385.jpg)
وەپای خەوەریگ ستریت تامز، دادگای خوجێیی، میانبار لە بەیاننامەیگ راگەیانیە رووژ شەممە 22 نیسان لەناوڕاس وڵاتەگە گەردەلویل تونیگ رویدایە، بویەسە هووکار گیان لە دەسدان شەش کەس ک چواریان ژن و 109 کەسیش زەخمدارە.
لە بەیاننامەگە ئاشکەراکرد، 16 کەسیان زەخمدارییان سەختە لەو کارەساتە سروشتیە زیاتر لە 200 ماڵ زەرەد کەفتیەسە پی ئۆپراسیۆن قورتارکردنیش وەردەوامە.