کوشیان ٧٦ کەس وە نقومبوین بەلەمیگ لە نەیجیریا
2022-10-10T06:59:47+00:00
شەفەق نیوز/ محمد بوخاری سەرۆک نەیجیریا کوشیان ٧٦ کەس راگەیان هەنای بەلەمیان لە ویلایەت ئەنامبرا نقوم بویە.
راپۆرتەیلیگ وتن ئەو بەلەمە ک لە چەم نێجەر نقوم بویە، نزیکەی ٨٥ کەس لەناوی بوینە، و باریگ زیاتر لە بەش خوەی هەڵگردیە.
نویسینگەی سەرۆک نەیجیریا لە بەیاننامەیگ وت: ئەو بەلەمە ک ٨٥ کەس لەلای کەمەو لەناوی بوینە، مەزەنە هەس دویای لافاوەیل ناوچەی ئوگبارۆ لە ویلایەت ئەنامبرا نقوم بویە.
وەگورەی فرانس پڕس، بوخاری لە بەیاننامەگەی داوای ئارامی ئەرا مردگەیل گشتی، و سەڵامەتی ئەرا گشتی و خیزانەیل قوربانیەیل ئی رویداوە خوازیە.
جی باسە ک ٢٩ لە ٣٦ ویلایەت نەیجیری لافاوەیل گەورەیگ وەخوەیان دوینن، و ئەنامبرا یەکیگە لەو ویلایەتەیلە ک لە سەرتای وەرز واران کەفتیەسە وەر لافاوەیل سەختیگ.
