کوشیان 18 کەس وە کەفتن فڕۆکەیگ لە نیپاڵ
![کوشیان 18 کەس وە کەفتن فڕۆکەیگ لە نیپاڵ](https://media.shafaq.com/media/arcella/1721805964304.jpg)
2024-07-24T07:26:20+00:00
شەفەق نیوز/ فڕۆکەیگ مەوقەی هەڵسیانی لە کاتماندۆ پایتەخت نیپاڵ، شەوەکی ئمڕوو چوارشەممە، 19 کەس لەناوی بوی، کەفتە خوارەو، ئەوەیش وەگورەی بڵاوکردن رووژنامەی "كاتماندۆ پۆست" لە ژوان وەرپرسیگ لە فڕۆکەخانەگە.
پولیس نیپاڵ وت: چەن کەسیگ کوشیا و کاپتنەگە رزگار کریا.
ئاژانس رۆیتەرز باس کوشیان 18 کەس لەناو فڕۆکەگە کرد.
فڕۆکەگە روی وەرەو بوخارا کردیاد كو شوینیگ گەشتیاری گرنگە لەو دەوڵەتەیلە لە کویەیل هەمەڵایا.