کوشیان ١٨ کەس وە کەفتن پاسیگ وەناو گوڵەم ئاویگ لە وڵات میسر
شەفەق نیوز/ ١٨ کەس گیانیان لەدەسدان، و ١٥ کەسیش زەخمدار بوین، دویای کەفتن ماشین (مینی پاس) وەناو گوڵەم ئاویگ لە پارێزگای دەهقلیەی باکوور قاهیرە.
وەگورەی کابرایگ وەچەودی وەناو محمد عەبدولستار، فەرمانبەرە لە ئاوای دامەزراوەیل عەبدولنەبی لە ناوەند ئاجا لە دەهلەقیە ک رویداوەگە دیە، ئەرا سایت سکای نیوز عەرەبیەی ئیماراتی وتیە: رویداوەگە کەفتیە هەنای رانندەی پاسەگە خوازیە لە ماشینەیل وەردەمی رەد بوود، و وەناکاوەو ماشینیگ وەرانوەری هاتیە، و ماشینەگە لەدەسی دەرچگ، و کەفتە ناو گوڵەم ریاح تەوفیقی.
وەگورەی ئەو کابرای وەچەودیە، رویداوەگە لەبان ری میت غمر مەنسورە بویە، پاسەگە کراکار و فەرمانگەیەل ئەرا کاریان لە شار مەنسورە بردیە.
دکتۆر ئەشرەف مەکین جینشین وەزارەت تەندروسی میسری وت: تیمەیل رزگارکردن ئاوی ١٨ تەرم لەناو ئاوەگە دراوردن، و ١٥ کەسیش رزگار کریان، و هیمان تیمەیل هانە مینەیل قوربانیەیلیگ تر.
