کوشیان سێ کەس وە پەلامارداین بنکەی پۆلیس لە باشوور ئیران

ئاژانس فەرمی خەوەری "ئێرنا" راگەیان، گروپیگ کە خوەیان وە سووپای داد ناوبەن پەلامار بنکەیل پۆلیس شمارە 11 لە شار تشابەهار دانە، لەئەنجام جیگیر سەرۆک بنکەی پۆلیس کوشیا وەرد دوو ئەندام ئەمنی ترەک.

 جیگر پارێزگای سیستان و بلوجستان ئەرا کاروبار ئەمنی و جیوەجیکردن یاسا عەلی رەزا مەرحمەتی  راگەیان، سێ بەرگیریکار ئەمنی تا ئیسە کوشیانە لە ئەنجام پەلاماریگ دویەشەو چوارشەممە، وەبان شمارەیگ بنکەی سەربازی لە باشوور پارێزگاگە.

عەلی رەزا مەرحمەتی لە دیداریگ وەرد پەیامنێر ئاژانس (ئێرنا) شەوەکی ئمڕوو پەنجشەممە وت: "نزیکەی ساعەت  10:00 ئیوارەی رووژ چوارشەممە (شەش و نیم وەپای گریتش)، شمارەیگ بنکەی سەربازی رویوەروی پەلاماردان هاتنە وە لایەن کۆمەڵەیگ تیرۆرست لە شارەیل راسک  و تشابهار (لە پارێزگای سیستان و بەلوجستان باشوور خوەرهەڵات ئیران).

وتیش: "لە رووشنایی ئامادەبووین هێزەیل سەربازی و پۆلیس شمارەیگ لە پەلاماردەرەیل کوشیان و زەخمداربوین".

وتیش؛ بارودۆخئەمنی هاژیر کۆنترۆل، کۆمەلەی "سووپای ستەم" (ناسریاگ وە سووپای داد) سەر وە نەیارەیلن ئێ پەلامار تیرۆرستیە ئەنجام دانە".."