کوشیان ١٢ سەرباز وە پەلاماریگ خویناوی لە نەیجەر وەلایەن سەدان لە یاخیبویەیل
2023-09-29T07:27:53+00:00
شەفەق نیوز/ وەزارەت وەرگریی نەیجەر لە بەیاننامەیگ راگەیان؛ شەفەق رووژ پەنجشەممە لە باشوور خوەرئاوای ئەو وڵاتە پەلامار سەدان یاخیبوی چەکدار وە ماتۆڕسکیل لەلای کەمەو ١٢ سەرباز نەیجیر کوشیان.
وتیش: لە جەنگەگە هەفت سەرباز کوشیان و پەنج سەرباز ترەکیش لە مەوقەی رانین ماشین ئەرا قایمکردن ئەو یەکە کە کەفتە وەڕ پەلامار وە رویداویگ گیانیان لەدەس دان.
پەلامارەگە لە قەندەدجی رویدا کە نزیکەی ١٩٠ کیلۆمەتر لە نیامەی پایتەختەو دویرە و لە نزیک ناوچەی سێ سنووری مالی و بورکینافاسۆ و نیجەر کە لە ماوەی چەن ساڵ گوزەشتە ناوەندیک تونەڕەوەیل بویە لە ناوچەی ساحل.
وەرجەیە، لە رووژ پەنجشەممە، سێ سەرچەوە، لەناویان ئەفسەریگ باڵای سوپا کە داوای ئاشکرانەکردن ناوەی کردوێد، چوینکە ری وەپی نەیریایە قسە وەرد میدیایل بکەێد، ئەرا ئاژانسی ڕۆیتەرز وت: لەلای کەمەو دە سەرباز کوشیانە.
