کوشیان ٤ سەرباز ئیسرائیلی لەناویان فەرماندەی باشوور غەززە تا بڕ شمارەگە بڕەسێدە زیاتر لە 600 کەس

قسەکەر سوپای ئیسرائیل راگەیان؛ دویای نیمەڕو رووژ شەممە، لە ناوچەی خان یونس لە باشوور غەززە، 4 چەکدار  کۆماندۆ کوشیان.

کوشیاگەیل یانەن: کاپتن ئیدۆ باروچ، تەمەن ٢١ ساڵ خەڵک تەل مۆند، فەرماندە لە یەکەی ئاگوز، سەرجەنت ئەمیتای بن شوشان، تەمەن ٢٠ ساڵ خەڵک ئەزریێل، سەربازیگ ڕاهێنریاگ لە فۆرماسیۆن کۆماندۆ، سەرجەنت ڕیڤ هاروش، تەمەن ٢٠ ساڵ خەڵک کیبوتز ڕامەت دەیڤد، سەربازیگ ڕاهێنریاگ لە کۆماندۆ، گەنجی سەرجەنت ئێلی تەمەن ٢٠ ساڵ، خەڵک کەدار، سەربازیگ ڕاهێنریاک لە کۆماندۆ.

 وەگەرد راگەیانن کوشیان ٤ سەرباز، شمارەی کوشیاگەیل سوپای ئیسرائیل لەو جەنگە کە ماوەی ٦ مانگە لە کەرت غەززە وەردەوامەر رەسیە ٦٠٤ کەس کە ٤١ کەسیان لە ئەنجام رویداوەیل جەنگ کوشیان، وەگورەی دویاترین داتایل سوپای ئیسرائیل.