کوشیان سەرۆک شارەوانی نەبەتیە و ٥ کەس ترەک وە گورز ئیسرائیل لە باشوور لوبنان
شەفەق نیوز/ ٦ کەس کوشیان، وەرپرسیگ ناوخوەیی وەگەردیان بوی، وەگورەی دوو سەرچەوەی ئەمنی، و ئامار سەرەتایی لەلایەن وەزارەت تەندروسی لوبنان، لە ئەنجام گورز ئیسرائیل وەبان بارەگای شارەوانی نەبەتیە و یەکێتیی شارەوانی لە باشوور لوبنان.
خانمە پارێزگار نەبەتیە هوەیدا ترک ئەرا ئاژانس رووژنامەوانی فەرەنسا وت: ١١ گورز ئیسرائیلی، نیمەڕو ئمڕوو، رەسیە شار نەبەتیە وەشیوەی سەرەکی.
وتیش؛ ئەحمەد کحێل سەرۆک شارەوانی نەبەتیە وەگەرد شمارەیگ لە تیم کاری گیانیان لەدەسدان.
لەلای خوەییش، ناوەند ئۆپراسیۆنەیل فریاکەفتن لە وەزارەت تەندروسی لوبنان وت: گورز دوژمن ئیسرائیلی رەسیە بینایل شارەوانی نەبەتیە و یەکێتیی شارەوانەیلی، بویە هوکار کوشیان پەنج کەس لە ئاماریگ سەرەتایی، و کارەیل هەڵگردن رمیاگەیل وەردەوامە.
لەلای خوەییش، رۆیتەرز لە دوو سەرچەوەی ئەمنی وت: سەرۆک شارەوانی شار نەبەتیە باشوور لوبنان وەگەرد پەنج کەس ترەک وە گورزیگ ئیسرائیل کوشیان.
