کوشیان زیاتر لە ٥٠ زاڕوو لە ئەفغانستان وەماوەی هەفتەی گوزەشتە

شەفەق نیوز/ ریخریاگ نەتەوە یەكگرتگەیل ئەرا مناڵی "یونیسێف" راگەیان ئەو پەلامار و پێشێلکردنەیلە لەبان مافەیل لە ئەفغانستان وەماوەی هەفتەی گوزەشتە گیان زیاتر لە ٥٠ مناڵ رفانن.  

جۆرج لاریا وەڕیەوبەر هەرێمی یونیسێف لەبان تویتەر نۊسان: تەنیا وەماوەی یەک هەفتە،  زیاتر لە ٥٠ مناڵ گیانیان لەدەسدان، لەوەر پێشێلکارەیلیگ ناشرین ئەرا ماف مرۆڤ لە ئەفغانستان،  و مەزەنە هەس ئی شمارە وەرەو زیاتر چوود. 

لاریا وتیش: وەتایبەت چوار مناڵ کوشیان و بڕیگ تر تویش زەخمەیل سەختیگ هاتن وەو تەقینەوە ک رووژ جمعە لە مزگەفت مەولەوی سکەندەد لەناوچەی ئیمام ساحیب لە ویلایەت قەندوز رممەی هات، و ریخریاگ داعش خوەی کردە خاوەنی.  

وەرپرسە نەتەوەیەگە سەرەخوەشی لە خیزان قوربانیەیل کرد،  و وە تونی داوای وسیان وەکوتپڕ تونەڕەوی دژوە زاڕوو لەگشت شیوەیلی کرد.