کوشیان ١١ کراکار وە رمیان دیواریگ لە پاکستان
ئەو دیوارە مەوقەی دانیشن کراکارەیل لەناو چاردیگ لە شوین کارەگە رمیا بانیان.
محمد ئەکرەم وەرپرس پولیس ناوچەگە وت: دیوارەگە وەگەرد وارانیگ نزیک گەڕەک گولرا رمیا، و تەرمەیل لەژیر رمیایەگە دەرکریان.
ئی مەوقەیلە واران وەرزی رفتیگ لە پاکستان وارێد، ک بویە هوکار کوشیان ١١٢ کەس وەلای کەمەو لە رویداوەیلیگ جیاجیا پەیوەندی وە کەشوهەوا دیرن.
ئەو واران رەفتە لافاو لە چەمەیل پاکستان لە هەرێم بنجاب بەرزەو کرد، ک سەدان ئاوای نقوم کرد و ناچار نزیکەی ١٥ هەزار کەس کرد ئاوارە بوون.