کوشیان دۊتیگ وە تەقەکردن نزیک مەکتەویگ لە نیویۆرک

شەفەق نیوز/ میدیایل راگەیانن ئەمریکا، ئمڕوو شەممە، باس کوشیان دۊتیگ ١٦ ساڵان کردن و زەخمداری دوو کوڕ ناخاڵە وە گولەی ویڵ، دۊای ئەوە ک لەناو تەقەکردن لە نزیک مەکتەویگ لە نیویۆرک گیر هاتن.   

روژنامەی "نیویۆرک پۆست" ئەمریکی لە زوان سەرچەوەیگ لە ویلایەتەگە وت: دۊتەگە گیانی لەدەسدا لەناو ئەو تەقەکردنە ک کەفتە ناوبەین چەن کەسیگ لەناوچەی مەکتەو یونیڤێرستی هایتس هەنای خوەنەوارەیل رۊ وەرەو ماڵ خوەیان کردیان. 

سەرچەوەگە دیاری کرد ک تەقەکردنەگە ک نووترین کردەوەیگ لەناو زنجیرەی کارەیلیگ تەقەکردن تیەێد لە وڵاتەگە ک کوشیان و زەخمداری لەناوی کەفن، ئەوەیش هەنای چەن پاویگ کەفتنە مرافەگە و یەکگیان دەسکردە تەقەکردن.