کوشیان دەیان کەس لە مرافە و وەردەوەردە لە ئەنجام بازیکردن تووپان لە گینیا

شەفەق نیوز/ دەیان کەس لەلای کەمەو گیانیان لەدەسدان، لە ئەنجام رویوەڕویبوین ناوەین هاندەرەیل بازی تووپان لە نیزیکوری لە باشوور خوەرهەڵات گینیا، وەگورەی سەرچەوەیلیگ پزشکی ئەرا ئاژانس فرانس پرێس.

پزشک خەسەخانەگە ئەرا ئاژانس فرانس پرێس وت: نزیکەی ١٠٠ کەس کوشیاگە، و لاشەیل لەبان زەوی کەفتنە، و خەسەخانەگە پڕە.

 پارچە ڤیدیۆیەیلیگ لەبان سۆشیال میدیا کە فرانس پرێس نەتوەنست بڕەسێدە بندروسیان، کە نشان تەرمەیل فرەیگ دەن، و لەناو پارچە ڤیدیۆیەیلیگ ترەک دیار دەێد کە مەردم دەو کەن.

حکومەت لەبان ئی کارەساتە وەبی دەنگ مەنیە.

کەسەیلیگ ئەرا فرانس پرێس وتن: ناوجیکەر بازیەگە بڕیاریگ دا، و مەردم رشیانە ناو بازیگاگە.