کوشیان خانمە هونەرمەن ئیناس سەقا وە گورزەیل ئیسرائیل
2023-11-01T11:48:47+00:00
شەفەق نیوز/ وەزارەت رووشنهویری فەلەستین، ئمڕوو چوارشەممە، راگەیان ئیناس سەقا و دوو دویەتی وە گورزەل ئیسرائیل وەبان کرت غەزە کوشیانە.
وەزارەتەگە لە پۆستیگ لەبان پەڕەی فەرمیەگە لە "فەیسبووک" راگەیان "خانمە هونەرمەن ئیناس سەقا و دوو دویەتەگەی لین و سارە وە پەلامارە وەردەوامەیل وەبان کەرت غەزە شەهیدبوین.
وتیش: "ئیناس سەقا لە بەشداری فرەیگ کردبوی لە کارکردن مژار دراما و شانۆگەری وەگەرد مناڵ، و بەشداری کردبوی لە شمارەی فرەیگ لە چالاکیەیل کۆمەڵایەتی".
خانمە هونەرمەن ئیناس سەقا وە یەکیگ لە خانمە سەرکردەیل بان تەختەی شانۆ دانرێد، کە بەشداری لە شمارەیگ شانۆگەری دیار کردیە جۆیر ، "في شيء عم بيصير"، و"الدب"، هەمیش کارەیلیگ تایوەت وە مناڵ ئەنجامداس، و کارکردیە لە ورکشۆپەیل وەگەرد شانۆی "عشتار" لە قودس، و ئەکادیمیای سویدی.
