کوشیان 66 رووژنامەوان لە کەرت غەزە لە سەرەتای جەنگەگەو تا ئیسە
2023-11-25T14:43:56+00:00
شەفەق نیوز/ سەندیکای رووژنامەوانەیل فەلەستینی، ئمڕوو شەممە، راگەیان لە سەرەتای دەسوەپیکردن پەلامارەیل ئیسرائیلی وەبان کەرت غەزە لە ۷ تەشرین یەکەم تا ئیسە ٦٦ رووژنامەوان کوشیانە.
سەندیکاگە لە ئاماریگ کە لەبان فەیسبووک بڵاویکردنە راگەیان " دوو رووژنامەوان بی سەروشوینن کە نەزاڵ وەحیدی و هەیسەم عەبدولواحیدە، هەمیش ۳۱ رووژنامەوان وە دیل گیریاگ دەسڵاتدارەیل داگیرکەر لەبان خاک فەڵەستین دەسگیریان کردنە".
سەندیکاگە وتیش لەناویان ٦ رووژنامەوان ژن بویە کە کوشیانە بریتین لە: سەلما موخەیمەر، سەلام میمەت، ئیمان عەقیلی، ئالا حەسنات، ئایات خزورەت، دوعا شەرەف.
سەندیکاگە لە بەیاننامەگە داواکرد لە " گشت دامودەزگایەیل ناودەوڵەتی و عەرەبی و فەڵەستینی گشتی لە کەرت ژنەیل و مافەیلیان وە دویاچگن و دادگایی ئیسرائیل بکەن ئەرا ئەو تاوانەی وەرانوەر هاوکارە رووژنامەوانەیل ژن ئەنجامدەن، کە رویوەروی کوشتن و دەسگیرکردن و لێدان و دەسدرویژی بوون وە مدوو کارە رووژنامەوانیەگەیان".
