گورز ئیسرائیلی خەسیگ لە باشوور لوبنان
شەفەق نیوز/ سوپای ئیسرائیل، شەوەکی ئمڕوو دووشەممە، دووارە پەلامار ناوچەیل باشوور لوبنان دا.
سوپای ئیسرائیل راگەیان کە گورزەیل خەسیگ وەبان ئامانجەیل حزبولڵا جیوەجی کەێد.
راپۆرتەیل رووژنامەوانی وتن: فڕۆکەی ئیسرائیل گورزەیلیگ وەبان چەن ناوچەیگ باشوور لوبنان جیوەجی کرد کە کویەی رەیحان، و دەورگرد بورج باکوور، و زەبقین، و دەورگرد قاسمیە، و دەورگرد کەفر رومان، و ناوچەیلیگ لە بیقاع باکوور.
میدیایل لوبنان دووپات کردن کە گورزەیل ئیسرائیل ناوچەی جرود ئەلهەرمەل خوەرهەڵات لوبنان، شەوەکی ئمڕوو دووشەممە کردنە ئامانج.
ئاژانس راگەیانن نیشتمانی لوبنانی، وت: زیاتر لە ٨٠ گورز ئیسرائیلی وەبان ناوچەیلیگ لە نەبەتیە وەشیا.
سوپای ئیسرائیل هویردەکاری زیاتر لەباوەت ئەو گورزەیلە ئاشکرا نەکرد، کە لەناو بەشیگ لە سەختترین تەقەکردن ناوەین دوو سنوور تیەێد، لەی جەنگە کە وەگەرد جەنگ غەززە تیەێد کە یە نزیکەی ساڵیگە وەردەوامە.
دویەکە یەکشەممە، تەقەکردن خەسیگ کەفتە ناوەین ئیسرائیل و حزبولڵا، کە حزبولڵا مووشەک وەرەو قویلایی باکوور ئیسرائیل وەشان، دویای ئەوە کە کەفتە وەر تونترین گورزەیل وەماوەی نزیکەی یەک ساڵ لەی جەنگە.
