گەوراترین کۆشک خەڕگین کەفێدە وەر مەترسی
شەفەق نیوز/ کۆشک سیێۆن، لە پارێزگای حەزرەمەوت لە وڵات یەمەن، ک ئەوسا بارەگای حکومڕانی و قەڵای کۆنە و کۆشک بویە، ئمڕوو جوور پیرەمەردیگ گیان کیشێد.
کۆشک ٧ قاتی سیئۆن یەکیگ لە گەوراترین بینا خەڕگینەیل جهان، وەرجە ٥٠٠ ساڵ بینای کریا، ک خوەی کۆشک حکومڕانی دەوڵەت (کەسیری) بویە ک ئەرا ماوەی دریژیگ دەسەڵاتداری لەبان دووڵ حەزرەمەوت داشتگە، ک لە ساڵ ١٥١٦ سوڵتان بەدر کردەی بارەگای نیشتەجی خوەی، هانای شار سیئۆن بویە پایتەخت دەوڵەت کەسیری.
موزەخانەی کۆشکەگە، بەشیگ لە ئاسەواریەیل ناونشان قەورەیلیگ لە سەردەمە سەنگیەکان و سەردەمە بڕۆنزیەکان هاناوی، و لەوەر گرنگی مێژووی ئی کۆشکە، وێنەگەی لەبان پویل هەزار ریال یەمەنی چاپ کریا.
پارەکە، کۆشکەگە کەفتە وەر مەترسی رمانن، دویای چەن ساڵیگ لە بیباکی و زەرەد وارانەیل ک کاریگەری لە خانی ودیوارەیلی دا، ک خوەی هەمیشە دەسکاری و خاسەوکردن خوازێد، چوونکە وە خەڕگ کریاگە.
حسێن عیدروس وەڕێۆبەر گشتی ئاسەوارەکان و موزەخانەیل حەزرەمەوت، ئووشێد: کۆشک سیئۆن لە رەگینترین کۆشکەیلە لە یەمەن، و زاقترین سیما خەڕگیەنەیلە لە جهان، هەمیشە چەودیری خوازێد، و ئەو زەرەدەیلە ک لەوەر ئاڵشتبوەیل کەشوهەواگە کەفتە بانی، وەتایبەت وارانە فرەگان پارەکە لە ناوچەی دووڵ حەزرەمەوت، زەردەیل فرەیگ رەسانە پی، و ئەگەر وەردەوام بوود و هەمیشە دەسکاری و خاسەوکردن لەناوی نەوود، بوودە هووکار کارەساتیگ وەی بینای مێژوویە.
