واشنتۆن گه‌ردێده شوون داواكرياگه‌يل و خيزانه‌يل داعش
شه‌فه‌ق نيوز/ پاشگه‌زبوينه‌وه له مه‌سه‌له‌ى جه‌نگ و كوشتار له‌باره‌ى دويا بنگه‌ى داعش له ريف دێره‌زۆر له خوه‌رهه‌ڵات سوريا وه‌رده‌وامه له وه‌ختيگ راپۆرته‌يل فريه‌يگ باس له ئاماده‌كارى ئه‌كه‌ن ئه‌را قورتاركردن زياتر له‌و مه‌ردمه ك گير كردنه له‌تى و گه‌ردين له‌شوون داواكرياگه‌يل داعشى له ليستيگ له‌لاى سه‌ربازه‌يل ئه‌مريكى ك وه‌ل هيزه‌يل سورياى ديموكرات به‌شدارى له گه‌مارۆ ئه‌و ناوچه دانه له خوه‌رهه‌ڵات فورات و هه‌وڵ دياريكردن شوون ئه‌بو به‌كر به‌غدادى سه‌ركرده‌ى ئه‌و ريكخرياگه تيرۆريستيه ئه‌يه‌ن.
له‌ى باوه‌ته‌و، چه‌ودێر سوورى ئه‌را مافه‌يل ئاده‌ميزاد باس له‌وه كرد ك وه گووره‌ى زانياريه‌يل ئه‌وه ده‌ركه‌فتگه ك هيزه‌يل ئه‌مريكى گه‌ردێده شوون داعشيه‌يل و خيزانه‌يليان و هه‌ر وه‌و خاتريشه سه‌ربازه‌يليگ له‌و هيزه‌يله روێ له به‌ره‌يل نزيك له بنگه‌ێ ئه‌و ريكخرياگ تيرۆريستيه كردنه و ره‌سم ئه‌و داواكرياگه‌يله ها ده‌سيانه‌و.
جى باسه، چه‌وديرى سوورى ئاماژه وه‌يه‌يش كرد و وت: باقى ئه‌و سه‌ركرده‌يل ريكخرياگ داعش ك مه‌ندنه‌و گه‌مارۆ دريانه ناخوازن ده‌ربچن و ترس له‌وه ديرن له‌لايه‌ن هيزه‌يل ئه‌مريكى يا هه‌واڵگيريه‌يل وڵاته‌گه‌يان بگيريه‌ن يا بكريه‌نه زيندان و هه‌تاهه‌تايى له له زيندان بمينن.
