واشنتۆن قه‌يه‌غه‌ێ چگن له‌بان هاووڵاتيه‌يل 11 ده‌وڵه‌ت ئه‌را وڵاته‌يل يه‌كگرتگ لاورد
شه‌فه‌ق نيوز/ وڵاته‌يل يه‌كگرتگ ئه‌مريكى ئاشكراى لاوردن قه‌يه‌غه له‌بان چگن په‌نابه‌ره‌يل له 11 ده‌وڵه‌ته‌و ئاشكرا كرد، وه‌لێ يه‌يش ده‌رخست ك ئه‌وانه‌گ ئه‌خوازن بچنه ناو وڵاته‌يل يه‌كگرتگ وه‌و مه‌رجه‌سه ڕى وشوونه‌يل ئاسايشى ده‌رهه‌قيان ئه‌نجام بدريه‌ێد فيشتر له گوزه‌يشت.
له‌ى باوه‌ته‌و، وه‌رپرسه‌يل ئه‌مريكى ليست ئه‌و ده‌وڵه‌ته‌يله ئاشكرا نه‌كردن، وه‌لێ وه‌گووره‌ێ زانيارێ ريكخرياگه‌يليگ گرينگده‌ر وه كاروبار په‌نابه‌ره‌يل ئه‌وه ده‌ركه‌فت ك مه‌سه‌له‌گه په‌يوه‌سه وه 11 ده‌وڵه‌ت و زوورميانيش وڵاته‌يل موسلمانن و پيكهاتنه له مسر و ئيران و عراق و سوريا و يه‌مه‌ن و ليبيا و سودان و مالى و سۆماڵ و باشوور سودان و كۆرياێ باكوور.
جى باسه، وڵاته‌يل يه‌كگرتگ له ته‌شرين يه‌كه‌م/ ئوكتۆبه‌ر 2017، په‌يه‌غه‌ێ چگن له‌بان په‌نابه‌ره‌يل ئاشكرا كرد و هه‌ر وه‌و خاتريشه ئداره‌ێ دوناڵد ترامب سه‌رۆك ئه‌مريكى بڕيار كه‌مه‌وكردن شماره‌ێ كووچكه‌ره‌يل دا جوور په‌نابه‌ر له وڵاته‌يل يه‌كگرتگ.
