واشنتۆن باس جدديه‌ت له ريكه‌فتن دووسى باشوور سوريا كرد
شه‌فه‌ق نيوز/ وه‌رپرسيگ گه‌ورا له وزاره‌ت خارجيه‌ێ ئه‌مريكى باس له‌وه كرد ك واشنتۆن باوه‌ڕێ ئه‌وه‌سه ك مۆسكۆ وه جدديه‌ت هه‌وڵ ئه‌ياد ئه‌را جيوه‌جيكردن دووسى له باشوور خوه‌رئاوا له سوريا.
له‌ى باوه‌ته‌و، رووژنامه‌ێ ئه‌نته‌رفاكس رووسى وت: وه‌رپرسيگ ئه‌مريكى ئه‌را رووژنامه‌نويسه‌يل وتگه: وه گووره‌ێ ئه‌و گفتگووه‌يله ك ئه‌نجامى دايمنه وه دريژايى مانگه‌يل گوزه‌يشت و له‌وه‌ر قه‌واره‌ێ كيشه‌گه، ئحساس وه ئه‌وه ئه‌كه‌يم ك لايه‌ن رووسى وه جدديه‌ت مه‌يل له جيوه‌جيكردن دووسى ديرێد له سوريا.
جى باسه، وه‌رپرسه‌گه هه‌ميش وتگه: ئيمه مكوڕيم و چه‌مان ها ئامانجه‌يل خاسمان و ئه‌گه‌ريش روسيا ئاشكراێ ئاگربه‌س كرد وه شيوه‌يگ راسكانى، ئه‌وه له‌ێ حاڵه‌ته ده‌رفه‌ت تازه‌يگ ئه‌دێ ئه‌را كار وه‌ل روسيا له‌ڕويه‌يل فريه‌يگه‌و وه‌خاتر چاره‌سه‌ركردن كيشه‌ێ سوورێ.
