واشنتون پێروزبایی و پشتگیری لە حکومەت کازمی ئه‌كا
شەفەق نیوز/ سەفارەت ئەمریکا لە بەغداد، ئمڕوو پەنجشەممە، پیرۆزبایی لە دروسکردن حوکومەتە نووەگەی عیراق کرد وەسەرۆکایەتی موستەفا کازمی، وپەیمان دا وە پشتگیەری کردن لە سێ باوەت.
بەیاننامەیگ لە نویسینگەی قسەکەر فەرمی سەفارەتەگە وت؛ شاند ئەمریکی لە عیراق پیرۆزبایی لە میلەت عیراق کەێد، ک بڕوایی دریا وه موستەفا کازمی سەرۆک وەزیران و حوکومەتەگەی لە پەڕلەمان عیراق.
وتیش؛ پشتگیری سەرۆک وەزیران و میلەت عیراق دژ پەتای کۆڤید-١٩ کەیمن ولە سەرکەفتن یەکجاری لە بان داعش ولە هاوکاری مروڤایەتی وئارامی ئاوارەیل وشوینە رزگار کریایەیل.
قسەکەر سەفارەگە هەمیش وت؛ بایەسە حکومەت نوو عیراق بکەفیدە پای کارە سەختەگە وە جیوەجیکردن دەسڵاتەیلی ئه‌را هاوردنه دی خواستیەل میلەت عیراق.
بەیاننامەگە باس گفتوگۆ ستراتیژی وەگەرد حوکومەت عیراق و دووپاتەبوین گرنگی و ئەرزش هاوبەشی ئەمریکا و عیراق دووارەوه كرد .
وتیش؛ مزگانی خاسیگ دیمن وەپەیمان کازمی وئەنجام داین هەڵبژاردن زووی وەزووی، وخوازین پشتگیریی لە سیستم دیموکراتی لە عیراق بكه‌یمن ، وخوازیمن کار وەل ئی حوکومەت نووە بکەیمن تا سەروەری و کەرامەتو گەشەکردن و ئاسایش ک شایستەن ئەرا میلەت عیراق دروس بون.
پەڕلەمان عیراق دویای نیمەشەو چوارشەممە، دەنگ دا وە بەرنامە حکومەتیەگەی موستەفا کازمی، ودەنگیش دریا ١٥ وەزیر، تا حوکومەتەگەی کازمی وەیەوە شیوەیگی فەرمی وەربگرێد.
