واشنتۆن: بەڵگە دیریمن ئیران چەک پیشکەفتگ داسە حووسییەیل
رۆبرت وود جیگر خانمە باڵیۆز ئەمریکا لەلای نەتەوە یەکگرتگەیل ئەرا ئەنجومەن ئاسایش ناودەوڵەتی وت: ئەگەر ئەنجومەن ئاسایش خوازێد وەرەو نوا بچوود ئەرا کۆتاییهاوردن وە جەنگ ناوخوەیی لە یەمەن، بایەسە کار وە بڕەو بکەێد ئەرا داواکردن لە ئیران تا واز لە کار شیوانن ئارامی بارێد و ئاگاداری بکەن کە نیەتوەنێد لە پشت حووسییەیل خوەی بشارێدەو.
وتیش: بەڵگەیان فرەیگ هەس لەبان ئیران کە چەک پیشکەفتگ دەێدە حووسییەیل کە مووشەک بالیستیکی و مووشەک کروز هاناوی، کە سزایل نەتەوە یەکگرتگەیل شکنێد.
وتیش: ئەرا چەسپیان نیگەرانی ئەنجومەن ئاسایش لەباوەت شکانن وەردەوام قەیەغەی چەک، بایەسە زیاتر تەقەلا بیەیمن ئەرا قایمکردن سزایل.
حووسییەیل ئویشن پەلامارەیلیان وەبان کەشتیەیل لە دەریای سوور و خەلیج عەدەن ئەرا زوورکردن وەبان ئیسرائیل تیەێد تا واز لە جەنگ حەماس بارێد لە کەرت غەززە کە رەسیە کوشیان زیاتر لە ٣٥ هەزار فەلەستینی.
