واران وەفر دویای گەرمی بیوەرین.. ئاڵشتبوین کەشوهەوا بازی وە ئیسپانیا کەێد
ئاژانس خەوەری فەرەنسا وت: ئیسپانیا وەفروارین بیوەرینیگ لە ناوچەی لارایا لە کویەیل ئەشتوریە توومار کرد، لە وەختیگ واران رفتیگ لە شوینەیلیگ لە کناراو ئیسپانیا لەبان دەریای ناوەڕاس وارێد، ئەوەیش دویای چەن مانگیگ لە داوەزین ریژەی واران.
هەر لە سەرەتای ئی ساڵە، ئیسپانیا ١١ رووژ گەرمی بیوەرین توومار کرد.
شەپوول گەرمی لە ئیسپانیا
مانگ گوزەشتە ئیسپانیا شەپوول گەرمی وەرجەوەختیگ توومار کرد، ک نیگەرانی دەسەڵاتدارەیل ئی وڵاتە کرد ک کەفێدە نوای ئەو دەوڵەتەیلە لە ئەوروپا ک لە گیرهاتن گەرمی زیان وەخوەی دوینێد.
لە شار ئیشبیلیە، چەتر لە دەیشتەیل دانریا، ک فەرمانبەرەیل لە کڕەیل وەردەمبن زیان لەو گەرمی سەختە وەخوەیان دین، ک خوان بینیتو لە تەمەن ٣٣ ساڵە کار لەناو چیشتەخانەیگ لە پایتەخت ئەندەلوس کەێد وت: فرە گەرمە، هەمیشە مینەی سایک و ئاو کەیمن.
لەلای خوەییش؛ رۆبن دیل کامبو قسەکەر دەسەی کەشناسی وت: لەوەر سەختی و سرووشت وەرجەوەخت ئی گەرمیە، وڵاتەگە کەفێدە کاریگەری ئاڵشتبوین کەشوهەوا، و لە ڤاڵەنسیا هەناێ بەشیگ لە گەشتیارەیل خوازینە بچنە بان ئاو، خەڵکەگە نیگەرانی خوەیان نشان دان.
لەی چوارچیوە، دەسەڵاتەیل ئیسپانیا ناچارن ئەرا خوەیگونجیان، و وەزارەت تەندروسی پیشنیار گورجەوکردن پلانیگ ئەرا گەرمی پیشکەش کرد.
