چوار کوشیان وە گورزیگ ئاسمانی وەبان گرووپیگ چەکدار لە بەیروت

شەفەق نیوز/ چوار کەس جویر ئاماریگ سەرەتایی کوشیان، بەئەنجام گورزیگ ئیسرائیلی، شەفەق ئمڕوو دووشەممە، وە فڕۆکەی بێفڕۆکەوان وەبان ماڵیگ لە بەیروت پایتەخت لوبنان.

وەگورەی زانیارییەیل، ئەو گورزە شوقەی ئەندامەیلیگ یا سەرکردەیلیگ لە کۆمەڵەی ئیسلامی کردیەسە ئامانج، کە شوینەگە هن نەجاح واکیم پەرلەمانتار وەرینە.

کومەڵەی ئیسلامی، حزبیگ سیاسیە سوننە لە لوبنان، لە ساڵ ١٩٦٤ دامەزریا، جویر لق لوبنان لە ئیخوان موسلیمین، وەلایەن گەنجەیلیگ لە گرووپ عیبادورەحمان.

لەلای خوەییش، ویستگەی الحدث وت« گورزەگە سەرکردەیلیگ لە بەرەی میللی فەلەستینی کردیەسە ئامانج.