چوار عراقی هاناویان..پولیس یۆنانی باند گەپیگ قاچاخکردن وە ئایەم دەسگیر کەێد

پۆلیس لە بەیاننامەیگ شەو شەممە دەر کردیە راگەیان، گومان لێکریاگەیل شەش کەسن، دووانیان سوری و فەڵەستینین و چواریان عراقیین، سەرەتای شەو شەممە دەسگیرکریانە لەئاوایگ لە دویری 10 کیلومەتر لە سنوور ئەلبانیا.

هەمیش هەفت ئەندامتر لە باندەگە لەهەمان ناوچە دەسگیرکریان لە رووژ 28 ئەیلوول، هەمیش 11 کووچبەر پەیاکریان کە  لەناو کوخ و شوینەیل سەربازی وەجیمەنێوین.

پولیس راگەیان قاچاخچیەیل زیاتر لە 1000 یۆرۆ (نزیکەی 1100 دۆلار) لە هەریەک لە کووچبەرەیل وەرگردوین ئەرا دەسمیەتیدان رەدبوینیان ئەرا ئەلبانیا، زیندانیان کردوین و داوای پویل زیاتریگ کردوین وە بڕ   1500 يورۆ (1640 دۆلار).

وەپای پولیس قاچاغچیەیل ئەزاو کووچبەرەیل داوین و وینەیان گردوین وە ڤیدیۆ ئەرا کەسوکار قوربانیەیل کلیان کردوین لە خوەرهەڵات ناوڕاس و باشوور ئاسیا.

ئەی جارە نەتوەنستنە کووچبەر وەگەرد قاچاخچیەگان پەیابکەن وەپای ئەوەگ "ئەسیۆشیت پرێس" راگەیانیە.