وینە و ڤیدیۆ.. مومیکا کردەوەی خوەی دووارەو کەێد و قورئان لە سوید سزنێد
2023-07-31T14:51:18+00:00
شەفەق نیوز/ پەنابەر عراقی سەلوان مومیکا، سزانن چەن چاپیگ لە قورئان پیرووز دووارەو کرد، وەگەرد وینەیگ هیمایی ئیمام حسێن، ئەوەیش لە کردەوەیگ وەگەرد پەنابەریگتر عراقی وەناو سەلوان نەجم، ئمڕوو دووشەممە، رێکی خستیە، دویای ئەوە ک پولیس سوید سڵای جیوەجیکردن ئەو کارە نزیک بینای پەرلەمان ستۆکھۆڵم وەپیان دا.
نزیکەی ٥٠ کەس لە مەیدان مینتۆرجیت لە پایتەخت سوید گردەو بوین، فرەیان رووژنامەنویس بوین، مەوقەی پیسکردن چاپیگ لە قورئان وەدەس مومیکا، ئیجا چەن لاپەڕەیگ لەناوڕاس کتاوەگە سزان، دویای ئەوە خستنەی ناو زوڵدانیگ و چاپەیلیگتر خستنە بانی.
موسوڵمانەیل لە نزیک تەیمانەگە وە زبری ناڕەزایی لەبان ئیجویر کردەوەیگ کردن، و یەکیگیان هاوار کردە بان کومیکا و وت: بەوە ئیرا لە پشت پولیس، تا قسەیگ رویوەڕوی بکەیمن.
ئمڕوو، پولیس سوید گلەیگتر سڵای جیوەجیکردن وسیانیگ ناڕەزایی لە وەردەم پەرلەمان دا، تا وەدەس پەنابەریگ عراق قورئان بسزیەێد، ک وەرجەیە وەگەرد سەلوان مومیکا قورئان و پەرچەم عراقی پیس کردیە.
