وە ماوەی بیس ساڵ.. 7 ملیۆن کوشیان و زەخمداری لە ئەنجام رویداوەیل هاتوچو لە ئیران

شەفەق نیوز/ ئیران، ئمڕوو دووشەممە، توومارکردن زیاتر لە 400 هەزار کوشیان و6 ملیۆن زەخمداری لە ئەنجام رویداوەیل هاتوچو لە وڵاتەگە، لە ماوەی بیست ساڵ گوزەشتە راگەیان.
وەرپرسەیگ حکومەتی ئەرا میدیایل ئیرانی وت: ئی کارە نەک هەر تەنیا باریگ ئابووری سەنگین خەێدە بان شان وڵات، بەڵکم وە سەختی گاریگەری لەبان ئەوزەڵکردن کۆمەڵایەتی و مرۆیی دیرێد.
هەرلیوا، حەسەن تاج ئەندام دەسەی تەندروسی ئیرانی وت: ئیران دەسکرد وە هەڵمەت کەمەوکردن ئی رویداوەیلە لە وڵاتەگە.
دەسەڵاتەیل ئیرانی ئویشن نزیکەی 60٪ لە رویداوەیل لەوەر تا وریایی و لە دەسدەرچگن ماشین و شەکەتی تیەێد، و 90٪ لەو ماشینەیلە کە بوونە مدوو رویداوەیل لە ماشینەیل ناوخوەیی تیەن.