وەفەرمی.. سوپای پاسداران ئیران خوەی پەلامارەگەی هەولێر کەێدە خاوەن
شەفەق نیوز/ سوپای پاسداران ئیران، ئمڕوو یەکشەممە، وەفەرمی ئەو پەلامار دۊشەوین لەبان شار هەولێر پایتەخت هەرێم کوردستان کردە خاوەن.
سوپای پاسداران لە بەیاننامیگ وت: دۊای ئەو تاوانەیلە لەلایەن رژیم سەهیونینست درووکانی، و راگەیانن وەرین ک تاوان و شەڕەیل ئی رژیمە وەبی وڵامداین رەد نێوود، دۊشەو پەلامار ئامانجکردن "ناوەند ستڕاتیژی ئەرا پیلاندانان و شەڕ سەهیونینست جیوەجی کریا" وە مووشەکەیل وەهیز ووردەیگ لەلایەن سوپای پاسداران شۊڕش ئیسلامی.
وتیش: جاریگتر هوشداری رژیم سەهیونینست تاوانکار کەیمن لە دووارەکردن هەر شەڕیگ، ئەوەسا کەفێدە وەر وڵام سەختیگ و یەکلاوەکەر و ویرانکەریگ، و هەمیش ئەرا نەتەوەی مەزن ئیران دووپات کەیمن ک ئاسایش و ئاشتی نیشتمان ئیسلامی کڕ سوورە ئەرا هیزەیل چەکدار کۆمار ئیسلامی ئیران، و ری وە هۊچ هەڕەشەیگ یا پەلاماریگ لەبانی نیەێد.
