وە شیوەی وەختانە...سوید بالیۆزخانەگەی لە بەغداوە ئەرا ستۆکهۆڵم بەێد
2023-07-21T13:53:21+00:00
شەفەق نیوز/ وەزارەت دەرەوەی سوید راگەیان، دەسکردیە وە گواستنەوەی وەختانەی فەرمانبەر و ئۆپراسیۆنەیل بالیۆزخانەی سوید لە بەغداوە ئەرا ستۆکهۆڵم لەوەر هووکارەیل ئەمنی.
یەش وەپای ئەوەگ ئاژانس خەوەری سوید (T.T) ئمڕوو جومعە بان وەزارەت دەرەوەی وڵاتەگەی راگەیان.
قسەکەر وەزارەت دەرەوەی سوید وت، دەسکردنە وەگواستنەوەی فەرمانبەر و ئۆپراسیۆنەیل وە شیوەی وەختانە ئەرا ستۆکهۆڵم وە مدوو ئەمنی، باوجی ئامادە نەوی هویچ لێدوانیگ زیاتر بيەێد.
شەوەکی رووژ پەنجشەممە لایەنگرەیل رەوت سەدر پەلامار بالیۆزخانەی سوید دان لە بەغدای پایتەخت و ئاگری دان ئەرا ئیدانەکردن ریداین سوید وە خوەینیشاندانیگ لە ستۆکهۆڵم ک شایەتحاڵ پیسکردن قورئان و عراق بوی لە وەردەم بالیۆزخانەی عراق.
