وەشیان گورزەیل نوویگ وەلایەن ئەمریکا و بەریتانیا لەبان یەمەن
ئەو وەرپرسە وت: گورزە ئاسمانیەیل ئەو ئامێرەیل ڕادارە لەناوبردنە کە حوسییەیل وەکاریان تیەرن، وەگورەی خەوەر سکای نیوز عەرەبی.
ئاژانس ڕۆیتەرز وە پشتبەسین وە میدیایل سەر وە حوسییەیل یەمەن بڵاو کرد کە ئەمریکا و بەریتانیا بە وەچەن گورزیگ شار سەنعا کردنە ئامانج.
ڕۆیتەرز لە زوان دوو وەرپرس راگەیان کە سوپای ئەمریکا پەلاماریگ ترەک لە یەمەن دژوە حوسییەیل ئەنجام دەێد.
سی ئێن ئێن راگەیان "ئەمریکا پەلامار نوویگ لەبان ئامانجەیل حوسییەیل لە یەمەن جیوەجی کەێد".
هەمیش فەرماندەیی سەربازی ناوەندی ئەمریکا (سێنتکۆم) راگەیان کە پەلامار نوویگ لە دژ حوسییەیل یەمەن ئەنجامداگە و شوینیگ گردنەسە ئامانج کە ڕادارێگ لەناوی بویە، دویای رووژیگ لە گورزیگ ئەمریکی و بریتانی لەبان ئەو شوینەیلە کە وە “یاخیبویەیل” وەسفیان کردیە، کردە ئامانج کە توومەتبارە وە پەلامار لە هامشوو دەریایی ناودەوڵەتی لە دەریای سوور”.
