وەسێدارەدان سێ کەس وە توومەت تیرۆر لە سعودیە
شەفەق نیوز/ شانشین سعودیە، سزای وەسێدارەدان لەبان سێ کەس جیوەجی کرد، دویای تاوانبارکردنیان وە تیرۆر و دیاری کرد کە دوو کەسیان یەمەنیە و یەکیگ سعودیە.
وەزارەت ناوخوەی سعودیە لە بەیاننامەیگ وت: ئەو سێ توانکارە تاوانەیل سپۆنسەرکردن تیرۆر و کارەیل تیرۆری کردنە، و لەناو ریخریاییگ تیرۆری بوینە، و لە دەیشت وڵاتەگە راهێنانیان کریاس.
ئەوەیش وەگەرد کارەبا تیرۆری و دزیکردن و زوورکتێب ودەسناسن وەبان پویل ئەرا ریخریایەگە، و هەڵگردن چەک و تەقەمەنی، و سڕوپووکردن پلانەیل تاوانی ئەرا تیرۆریستەیل ترەک، و دیاری کرد کە دادگای باڵا پشتگیری لە بڕیارەگە وەبانیان کرد، و فەرمان شاهی وەبانیان دەرچگ، و بڕیارەگە جیوەجی کریا.
سعودیە کەفتە پلەی سێیەم لەناو ئەو دەوڵەتەیلە کە فرەترین فەرمان وەسێدارەدان جیوەجی کەن لە جەهان، لە ساڵەیل ٢٠٢٢ و ٢٠٢٣ لەبانیەک، دویای وڵات چین و ئیران، وەگورەی ریخریاگ وەخشین ناودەوڵەتی.
