ئەو زانای هۆڵەندیە جاریگتر نوقڵانەی زەویلەرزەی ویرانکەریگ دەێد

ئەو زانا وەمدوو یە ئەو مەزەنە کەێد کە  ڕێککەفتن ناوەین زەوی و هەریەک لە هەسارەیل مەریخ و نەپتون وەیەک رزەو وسیەن، هەرلیوا ئەندازەیی مانگ وەرد هەمان دوو هەسارە.

هۆگرێبیتس وتیش: زەوی وە یەواشی لە ناوەین مەریخ و نەپتون جویلێد یەیش توەنێد بوودە هوکار زەویلەرزەی گەورەیگ، و ئەگەر رویدان زەویلەرزەی تونیگ کە هاتێ لە 8 پلە زیاتر بوود، یەیش وەپەی ئاست پەستان تەکتۆنیکییە.

شەفەق ئمڕوو سێشەممە زەویلەرزەیگ وەتونەی ب ٧ پلە لە قویلایی دەریای باکوور دوورگەیل بالی و لۆمبۆک لە ئەندەنووسیا روی دا.

هۆگەربیتس باس ئەو زەویلەرزە کردیە و ئویشێد: "کاردانەوەی زەویلەرزەی ئەندازەیی مانگ وەرد مەریخ و نەپتون تا ئیسە هیمان مامناوەندە وە بەراورد وەو ئەندازەییە توەنێد چە بکەێد، و ئەوەگ لە گوزەشتە کردیە (8.5 پلە لەبان پەیمانەی ڕێختەر)، وتیش مەزەنەی زەویلەرزەیگ قایمتر کەێد وەی زویە.

وتیش:  "ئەگەر فرەیگ هەس کە لە ماوەی ٢-٣ رووژ، زەویلەرزەی قایمیگ بکەفێد"، وتیش: "ئەندازەیی دوو گووشەی راس وەرد مەریخ و نەپتون توەنێد بوودە هوکار ئی جویرە گورجییگ لە زەویلەرزە".

هۆگەربیتس وتیش: ئەگەری فرەس لە ماوەی ٢٤ ساعەت ئایندە زەویلەرزەی قایمیگ بوود.  

ئەو نوقڵانە دووارە هوشداری و رخیگ لەناو جەهان دروس کردیە، وەتایبەت دویای ئەوەگ لە چەن هەفتەی گوزەشتە چەن جاریگ مەزەنەی رویدان زەویلەرزە کردیە وەرجە ئەوەگ  وە راسی روی بەێد.

دیارترین مەزەنەی هۆگرێبیتس ئەوە بوی کە مەزنەی ئەو زەویلەرزەی ویرانکەرە کرد کە لە ٦ شوبات لە تورکیا و سوریا رویدا و زیاتر لە ٥٠ هەزار کوشیان و دەیان هەزار زەخمدار لەلی کەفتەو.