وەزیر دەیشت سوریا رەسێدە بەغداد
شەفەق نیوز/ سەرچەوەیگ ئاگادار، ئمڕوو جمعە، خەوەردا لە رەسین ئەسعەد شەیبانی وەزیر دەیشت سوریا ئەرا بەغدای پایتەخت.
سەرچەوەگە ئەرا ئاژانس شەفەق نیوز وت: شەیبانی وە سەردانیگ فەرمی ئاشکرا نەکریاگ رەسیە بەغدای پایتەخت.
لە روو 27 شوبات گوزەشتە، سەرچەوەیلیگ حکوومەتی عراقی، ئەرا ئاژانس شەفەق نیوز ئاشکرای سەردانیگ چەوەڕیکریای ئەسعەد شەیبانی وەزیر دەیشت سوریا ئەرا بەغدای پایتەخت لە مانگ ئادار کردن، و دووپات کردن کە سەردانەگە وەجاس، و لەوەر مدووەیلیگ ئەمنی دویاهریە کە پەیوەندی وە لایەن سوریا دیرێد، وەگەرد بەشیگ لە وتارەیل لەلایەن کەسایەتیەیلگ عراقی، کاریگەری نەرێنی لەبان مەوقەی سەردانەگە داشتن، و هەیچ هەڕەشەیگ نییە ریگری بە سەردانەگە بکەێد.
جی باسە کە سەردان شەیبانی ئەرا بەغداد تەگبیر بوی لە وەختیگ زویتر بویاتاد، وەلێ نەهاتە جی، لەوەر مدووەیلیگ کە وەشیوەیگ فەرمی ئاشکرا نەکریا.
