وەزیر ئابووری لوبنان: جەنگ تا دە ساڵ دادەمانە دویا
شەفەق نیوز/ ئەمین سەلام، وەزیر ئابووری لوبنان وت: بڕ زەرەد دارایی و ئابووری جەنگ وەبان لوبنان فرە لە ٢٠ ملیار دۆلار زیاترەو بوود.
ئەرا ویستگەی حوڕەی ئەمریکی وت: ئی جەنگ ئەرا ١٠ دادەمانە دویا، و لەناوەین ٣ تا ٥ سەخت خوازێد تا لوبنان تەنیا لە گیچەڵ ئاوارەیی و ئاوەدانکردن خاسەو بوود.
ئەمریکا زوور کەێد ئەرا رەسین وە رێککەفتنیگ ئەرا کۆتاییهاوردن وەی جەنگە کە یە زیاتر لە ساڵیگە وەردەوامە ناوەین حزبولڵا و ئیسرائیل، کە لەی دوو مانگ دویاییە بەرزەو بوی، کە رخداری فراوانبوین جەنگ لە ناوچەگە دروس کرد.
هەرلیوا، سەرۆکایەتی فەرەنسا راگەیان کە دانوسەنین لەبان ئاگربەسی ناوەین ئیسرائیل و حزبولڵا فرە وەرەو نوا چگە، ئەوەیش دویای وەخت کوڵیگ لە قسەی سەرچەوەیلیگ لوبنانی لە مەزەنەی ئەوە کە جۆ بایدن سەرۆک ئەمریکا، و ئیمانۆئێل ماکرۆن سەرۆک فەرەنسا لەماوەی ٣٦ ساعەت هوچانیگ راگەینن.
