وە رویداویگ هاتوچو لە تورکیا 70 کەس بوینە قوربانی
2023-12-28T10:08:56+00:00
شەفەق نیوز/ وەپای میدیایەیل تورکیا، ئمڕوو پەنجشەممە، راگەیان شەوەکی ئمڕوو لەبان ری خێرای باکوور مارمارا، هەفت ماشین لەیەکەودانە و وەی هووکارە 11 کەس گیان لە دەسدان و 57 کەس زەخمداربوین.
میدیایەل راگەیاننە لەبان ری مارمارا هەفت ماشین لەیەکەودانە کە 3 پاس و بارهەڵگریگ لەناویان بویە.
هەرچەن تا ئیسە هووکار رویداوەگە ئاشکەرانەکریایە، تیمەیل تەندروسی رەسینەس شوین رویداوەگە قوربانیەیل گوازیانەسەو لێکۆڵینەوە لە رویداوەگە وازکریایە.
