وەرپرسیگ ئیرانی ئویشێد: ناڕەزایەتیەیل دویایین ئامانجی رمانن رژیم لە وڵاتەگە بویە
ئەوەیش لە وتاریگ لەناو گردەوبیون ئاخونەیل هیزە چەکدارەیا هات، ک عەمید ئەشتری وت: پولیس دەور و ئەرکەیل گرنگ و گورجیگ لە جویراجویر رووژ و رەوشەیل داشتیە، و هیزەیل پولیس لە گشت وڵاتەگە بیهوچان کار کەن وە رەنج گەورەیگ ئەرا خزمەت گەل و ئاسایشیان.
هەمیش وت: پولیس مقیەتی گیان مەردم و ماڵدارییان و نامووسیان لە گشت وەخت وشوینەیل کەێد، و ئمڕوو نووڕیمن ک دەور فرە گرنیگ رانن ئەرا مقەیتیکردن ئاسایش وڵاتەگە.
هەمیش باس ئەوە کرد ک کارەیل «ئاژاوە و فیتنە»ی دویاییە لە وڵاتەگە، دوژمن خوازێد ئەنجامەیل بەدقدووم و دروکانیی وەجی بارێد، لە بەدوەکاهاوردن هەر رەوشیگ لە وڵاتەگە بوود، ئەراوە مردن رەحمەتی مەهسا ئەمینی کردنە دەسپیچگ تا زەرەد وە ئاسایش و ئارامی مەردم بیەن، و پلان خوەیان وە رمانن رژیم پیرووز لە کۆمار ئیسلامی جیوەجی بکەن.
هەمیش وت: ئی فیتنەی دویاییە وە تەواوی ئاراستە و رێکخریاوێد، وە ئامانج رمانن رژیم ئیران، و دووپات کرد ک دوژمنەیل کارەیل ئاژاوە و خراوەکاری لە وڵاتەگە رانین تا ئی فیتنە وەڕی سیخوڕەیل خاینیان دروس بکەن.
