وە دەسمیەتی ژنەگەی.. لوبنانییگ یەکیگ لە رخبەرترین جویرەیل مادەی هووشبەر لە جەهان دروس کەێد
2024-03-21T08:12:16+00:00
شەفەق نیوز/ هیزە ئەمنیەیل لوبنان هاوڵاتقیگ لە داڵگبوی 1982 دەسگیرکردن وە توومەت دروسکردن رخبەرترین جویرەیل مادەی هووشبەر وەهاوکاری وەرد ژنەگەی کە ئەویش دەسگیرکریاس.
هیزە ئەمنیەیل دەسگیری کردن، لەدویای لێپیچینەوە وە توومەت تونوتیژی خێزانی، و دەسنریا وەبان مادەی کیمایی کە وەپی بویە، دەرچگە کە مادەی هووشبەر وە تایوەت مادەی "کریستال میس" دروسکەێد.
توومەتبارەگە داوای دەسمیەتی لە ژنەگەی کردیە کە لوبنانیە و لەداڵگبوی 1993یە و لەدویای دەورەدان ماڵی دەسگیریاس وەبان بڕیگ گەپ لەو مادە کیماییە، کە لە مادەی هووشبەر وەکاری هاوردنە کە بریتی بوین لە ، ئەسیر، ئەتانۆل و کیتامین، و جویرەیل ترەک.
ئەمن دەسگردیە وەبان ماشین تاکسیگ کە وە توومەتبار بویە، لەناوی بڕیگ لە مادەی هووشبەر پەیاکریاس، لە لێکۆڵینەوەیل دەرچگە ماڵیگ ترەک هەس توومەتبار مادەی هووشبەر لەناوی دروسکەێد.
دەرچگە توومەتبار ئەو مادە کیمایەیلە لەبڕیگ لە بازرگانە داواکریاگەیل ناوچەی بەقاع دەسی کەفتیە.
