وەخوارخستن فڕۆکەیگ ئیسرائیلی لە سوریا

شەفەق نيوز/ میدیایەیل راگەیانن سوریا، ئمڕوو یەکشەممە، خەوەردان کە چەکدارەیلیگ فڕۆکەیگ بێفڕۆکەوان ئیسرائیلی لە ناوچەی وادی یەرموک لە ریف درعا خستنە خوارەو.

 سایت   "درعا 24"ی سوری وت: پارچەیل فڕۆکەگە کەفتنە بان زەوی وازیگ وەبی کەفتن زەخمداری.

سایتەگە وتیش: خەڵک ئاوای سەیدا حانوت لە ریف قونەیتەرەی باشوور دەسمیەتیەیل خوەراکی و لیستەیل زانیاری وەرنەگردن مە دەوریەیگ ئیسرائیلی خوانیە بەشیانەو بکەن، دووپات لە ناڕەزایی لە هەر هاتن و گونجیانیگ وەرد ئیسرائیل نیین.

وەگورەی سایتەگە، ناوچەی حەوز یەرموک رەسین شاندیگ لە نەتەوە یەکگرتگەیل وە دوو ماشین وەخوەی دی، کە سەردان کەسوکارەیل قوربانیەیل و زەخمدارەیل ناوچەی کویا کردنە، کە وەرجە چەن رووژیگ حەفتە وەر گورزەیل ئیسرائیل.

  لە هەفتەیل گوزەشتە، پەلامار ئیسرائیل لە باشوور سوریا زیای بوی، کە فرۆکەیل ئیسرائیل گورزەیل سەختیگ وەبان چەن شوینیگ جیوەجی کردن، وەگەرد وەردەوامی لەشکرکیشی وەرەو ناو ناوچە تەیمانەیل. 

هیزەیل ئیسرائیل توانستن چەن شوینیگ ستراتیژی کۆنتڕوڵ کردن، لەناویان لویتکەی کویەی شێخ، و شوینەیل سەربازیی لە پارێزگای قونەیتەرە فراوانەو کرد.