وە توومەت کلکردن پویل ئەرا حەماس ئیسرائیل "پویل ئاڵشتکەر" فەڵەستینیگ کوشێد
2023-12-19T12:34:51+00:00
شەفەق نیوز/ سوپای ئیسرائیلی، ئمڕوو سێشەممە، راگەیان پویل ئاڵشتکەر دیاریگ وە گورزەیل ئاسمانی کرێدە ئانمج کە دەیان ملیۆن دۆلار ئەرا حەماس کلکردیە.
سوپای ئیسرائیلی و دەزگای ئەمن گشتی، کەسیگ کردنە ئامانج، کە دەسداشت لە کلکردن پویل ئەرا لایەن سەربازی سەر وە بزوتنەوەی حەماس، کە لە وڵاتە یەکگرتگەیل و ولاتەیل ئەوروپی و بیانی وە تیرۆرست دانرێد.
لە بەیانیگ سوپای ئیسرائیلی هاتیە "پرۆسەی وە ئامانج گردنەگە لەناو جەرگ شار رەفەح بویە وە رینمایی هەواڵگێری لە دەسەی هەواڵگێری".
فەراونە یەکیگ بوی لە پویل ئاڵشتکەرە دیارەیل لەماوەی ساڵەیل کۆتاییە، وەرد براگەی لە ری کۆمپانیای پویل ئاڵشتکردن "هەمسات" کە خاوەنداریەتیکردنە، پویل ئەرا حەماس و لایەنەیل سەربازی کلکردنە، وە تایبەت لە کەرت غەزە وەپای بەیاننامەگە.
