وە تاوانیگ دڵتەزن لە لوبنان.. کوشیان داڵگیگ وەگەرد سێ دۊتی
![وە تاوانیگ دڵتەزن لە لوبنان.. کوشیان داڵگیگ وەگەرد سێ دۊتی](https://media.shafaq.com/media/arcella/1648292445293.jpg)
شەفەق نیوز/ لە سەرتای ئی مانگ ئادارە، داڵگیگ لوبنانی وەگەرد سێ دۊتی بیسەروشۊن بۊن، تا وە تاوانیگ دڵتەزن پەیا کریان.
ئەو داڵگە لە ٢ ئادار وەگەرد سێ دۊتەگەی لەناوچەی ئەنسار باشوور لوبنان لەماڵ دەرچگن، و دۊای ئەوە هۊچ خەوەریگ لەلیان نەۊی.
ئاژانس خەوەری نیشتمانی باس ئەوە کرد ک ئەو داڵگە وەگەرد دۊتەیلی وەگەرد کەسیگ خەڵک ناوچەگەیان دەرچینە، و ئەو کابرا ئاشکرای تاوان خوەی وە کوشتنیان کرد.
کابراگە پیاویگ سی ساڵانە، وت ک خودی ئەو چوار ژنە لەناوچەیگ کشاوەرزی نزیک ناوچەی ئەنسار ناسە خاک.
وەشکین و مینەی تەرم ئەو قوربانیەیلە کەفتە رووژەیل واران رفتیگ، تا دۊای چەن رووژیگ دەسەڵاتەیل لوبنان پەیایان کردن. رووژنامەی نەهار لوبنانی باس کرد ک تەمەن ئەو دۊتەیل کوشیایە هالە ناونی ١٦ – ٢٢ ساڵان.
وتیش: تاوانبارەگە ئاشکرای رفانن داڵگ و دۊتەیلە وە دەسمیەتی کەسیگ تر کرد، وتیش؛ هەردوگیان ئەو چوار ژنە وەرەو ئەشکەفتێگ نزیک لەو ناوچەگە بردنە، و لەورا کوشتنەسەیان.
تا ئیسە دیار نییە ئەرا ئی تاوان کوشتنە کردنە، و هیمان لێکۆڵینەوە وەردەوامە.