وە بومب کارۆموگناتیسی... ئیسرائیل هەڕەشەی گلەوداین ئیران ئەرا سەردەم سان دەێد

 کەناڵەگە ئاشکرا کرد کە "لە ئیسرائیل ڕەوتیگ هەس ئەرا وەکارهاوردن بومب کارۆموگناتیسی ئەرا دەسکردن وە پەلامار لە ناو ئیران، یەیش ئەرا سەردەم سان گلیەو دەێد".

وەگورەی کەناڵەگە، بومب کارۆموگناتیسی لە جەنگە نووەیل وەکار ناوریاس کاردانەوەی وەکارهاوردن بومب کارۆموگناتیسی ئەرا شارەزایل سەربازی ناسیاس.

 کەناڵەکە وتیش "ئەو بومبە کە ئەرا تاکەیل کوشندە نییە بەڵام شەپۆل کارۆموگناتیسی (EMP) بەرهەم کەێد کە توانای گڵووڵەکردن وێستگەیل کارەبا و ئەلیکترۆنی لە دەورگردن کەفتن بومبەگە دیرێد."

 کەناڵەگە هەمیش وت: ئەگەر لە وڵاتیگ جویر ئیران  کارەبا پەکی بکەفێد، دویر تییە  کاردانەوەی کاریگەری بڕەسێدە بان ڕژێم دەسەڵاتدار ئیران.

 کەناڵەگە هووشداری دا کە هەڕەشەی ئیسرائیل وە بومب کارۆموگناتیسی دژ ئبران یەکەم هەڕەشە نییە لەیجورە.

وەرجە  دە ساڵ  لە زار رووژنامەی "زە ​​سەندەی تایمز" بەریتانی راگەیان کە هاتێ تەلئەبیب وە ئی جویر بومبە وەنیاز لەناوبردن تووڕەیل کارەبای ئیران بوود.

 وتیش: "هەڵگردن بومب کارۆموگناتیسی لەلایەن ئیسرائیلەو وە پلەی یەکەم ئەرا ئەگەر جەنگ سەربازی ناوەین هەردوگ وڵاتە".

 لە زوان پسپۆڕیگ ئەمریکی، کە ناسنامەگەی ئاشکرا نەکریاس، ئویشێد: “ئی بومبەیلە خریەنە خوارەو ئەرا بان زەوی و پەک ئەو ئامێرەیلە خەێد کە وە سیستەمید تەکنەلۆژی کار کەن لە دەورگردن کەفتنیان”.

 وتیش: بومبەگە پشت وە تیشک "گاما" بەسێد کە سیستەم کارەبایی دەورگرد ناوچەی کەفتنی لەناودەێد و ئەگەر ئەرا نموونە لە نزیک دامەزراوەیگ ئەتۆمی بکەفێد، توەنێد ئەو سیستەمە لەکاربخەێد و زیان فرەیگ وەپی بڕەسنێد.

 وتیش: ئەو زیانەیلە کە ئی بومبە توەنێد بڕەسنێد، هاوتاس وەگەرد گلەوداین ئیران ئەرا "سەردەم سان".