وڵات هیند بەرزترین ئامار رووژانەی جهان لە کۆڕۆنا تۆمار کەێد
2021-04-22T10:51:51+00:00
شەفەق نیوز/ وڵات هیند، ئمڕوو پەنجشەممە، راگەیان تۆمارکردن نزیکەی ٣١٥ هەزار تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە، لە بەرزترین ئامار رووژانەی جهان، لەو وەختە ک خەسەخانەیل نیودەلهی زیان لە کەمی ئۆکسجین وەخوەیان دوینن.
وەزارەت تەندروسی هیند، ئمڕوو پەنجشەممە، راگەیان تۆمارکردن ٣١٤٨٣٥ تووشهاتن نوو، ک خوەی ئاماریگ رووژانەس هیچ دەوڵەتیگ لە جهان وەرجەیە تۆماری نەکردگە، و ویەوە گشت ژمارەی تووشهاتنەکان لە وڵات هیند دوویەم دەوڵەتە زەرەدمەنەیل لەپەتاگە، رەسیە ١٥،٩ مەلیۆن.
