وڵات چین کەرەنتین تەندروسی لەبان شاریگ چەسپنێد
2022-01-15T11:38:11+00:00
شەفەق نیوز/ شار چۆهای لە باشوور وڵات چین، ئمڕوو شەممە، پاسەیل گشتی وسان، ئەوەیش دۊیای ئاشکراکردن ٧ تۊشهاتن وە ئۆمیكرۆن، و هوشداری دانشتگەیل کردن لە شارەگە نەچنە دەر.
شارە کناراوەیەگە ک کەفێدە شان ناوچەی ماکاو، دۊیەکە جومعە، راگەیان ئاڵشتبۊی ئۆمیکرۆن لەلای کەسیگ لە شاریگ هاوسا ئاشکرا کریا ک بیماریەگەی سووکە، و ٦ کەس تریش هۊچ نشانەیگ نەیرن.
وڵات چین کەفتیەسە وەر تۊشهاتنەیل کۆڤید-١٩، و چەن تۊشهاتنیگ وە ئۆمیكرۆن هاناویان، ک ئەو دەوڵەت ئاسیاییەکان کارەیلی وەرانوەر ڤایرۆسەگە خەسەو کەێد وەرجە بازیەیل ئۆڵۆمپی زمسانی ک لە مانگ ئایندە لە پەکین وەڕیەو چوود.
و داوا لە مەلیۆنا کەس لە ناوچەیل وڵات چین کریا لە هەفتەیل دۊیاین لەماڵ بمینن، و چەن کاروانیگ ئاسمانی لەناو وڵاتەگە پۊچەڵ کریا و چەن کارەگایگیش بەسیا.
