هيزه‌يل ده‌رياوانى 121 كووچكه‌ر ناياسايى قوتار كردن
2018-03-15T07:37:00+00:00
شه‌فه‌ق نيوز/ عه‌ميد ئه‌يوب قاسم قسه‌كه‌ر فه‌رمى وه‌ناو هيزه‌يل ده‌رياوانى ليبى، ئاشكراى ئه‌وه كرد ك خه‌فه‌ر ئاوه‌يل ليبى تويه‌نستنه 121 كووچكه‌ر ناياسايى له نزيك ئاوه‌يل ئه‌و وڵاته قورتار بكه‌ن.
قاسم ئه‌را ئاژانسه‌يل هه‌واڵ ئه‌وه ده‌رخست ك ده‌وريه‌يگ له پاسه‌وان ئاوه‌يل تويه‌نستنه 121 كووچكه‌ر ناياسايى قوتار بكه‌ن له‌ناونيانيش 24 ئافره‌ت و يه‌ك مناڵ له‌ناو به‌له‌ميگ پلاستيكى كه جموجويلده‌ره‌گه‌ى په‌كى كه‌فتگه.
جى باسه، قاسم هه‌ميش وت: ئه‌و كووچكه‌ره‌يله له ره‌گه‌زه‌يل جياجياى ئه‌فريقى بوينه ك له دويرى 16 كيل له باكوور بوكماش قورتار كريانه‌و جيواز كريانه ئه‌را بنگه‌ى ده‌رياوانى ترابلس و ده‌سميه‌ته‌يل ئنسانى و پزيشكييش وه‌پيان پيشكه‌ش كرياگه.
