هووکار مردنەگەی ئیڤانا ترەمپ ئاشکەرابوی
شەفەق نیوز/ لێکۆڵەرەیل پزیشک داد نیویۆرک هووکار مردنەگەی ژن وەرین ترەمپ ئیڤانا ترمپ ئاشکەراکردن راگەیانن لەوەر زەخمداریبوین سەختیگ بویە.
وەپای میدیایەیل ئەمریکی ک بڵاویکردنە، پۆلیس نیۆیۆرک دەسکردیە وە لێکۆڵینەوە لە هووکار مردن ئەو خانمە ک ژنە وەرینەگەی دۆناڵد ترەمپ سەرۆک وەرین ئەمریکاس، لەئەنجام لێکۆڵینەوەیل سەرەتایی دەرچگە لەوەر کەفتنە خوار لە پاچینەی ماڵەگەی لە مانهاتن مردیە.
قسەکەر پۆلیس نیۆیۆرک ئاشکەرایکرد، پۆلیس پەیوەندیگ وە ناو ئیڤانا ترەمپ ئەرای هاتیە باوجی نەتوەنستیە جواو بدەێد، دویارجار مردنەگەی لەهەمان شوین راگەێنریا، وتیش؛ هویچ بەڵگەیگ نییە بچەسپنێد رویداوەگە تاوانکاری بویە.
شەو پەنجشەممەی گوزەشتە، دۆناڵد ترەمپ بڵاوکرد، ئیڤانا ترەمپ لەتەمەن 73 ساڵی مردیە ئەو ژنیگ نایاب و ڕەنگین بوی، ژیانیگ گەپ و ئیلهام وەخش داشت.
ئیڤانا ترەمپ لە کۆمار چیک لە داڵگبویە، لەساڵ 1977 شوین کردیەسە سەرۆک وەرین ئەمریکا، باوجی لە ساڵ 1992 لەلی جیاوبویە لەدویای ئەوە دوو جارتر هاوسەرگیری کردیە.
