هیندستان مووشەکیگ وە هەڵە دەێد لەپاکستان
شەفەق نیوز/ هیندستان باس لەوە کردیە ک وە هەڵە موشەکیگ وەرەو وڵات پاکستان وەشانیە، باوجی "فرە وە نیگەرانی" باسی کرد.
ئی ئاشکراکردنە دۊای ئەوە ک سوپای پاکستان راگەیان ک مووشەکیگ هیندستان ک لە دەنگ تونترە، رووژ چوارشەممە داگەسە خاک ئەوان، و زەرەد رەسانیەسە دارایی خەڵکەگە، باوجی هۊچ زیانیگ گیانی لەلی نەکەفتیە.
وەرپرسەیل پاکستان داوای ئاشکراکردن لە نیو دیلهی کرد لەو کردەوە "نابەرپرسانەیە" ک شایەت ئاسایش هەرێمەگە بخەێدە وەر رخیگ.
لە راگەیانن فەرمی هیندستان رووژ جمعە بڵاو کرد ک "لە مەوقەی خاسکردنیگ رۆتینی، گیچەڵیگ تەکنیکی بۊەسە هووکار ئەوە ک مووشەکیگ وە هەڕەمەکی بوەشیەێد" هەرلیوا، باس ئەوە کرد ک حکومەت هیندستان " فرە وە گرنگی نووڕێدە ئەو کارە، و لە ئاستیگ باڵا داوای لێکۆڵینەوە لە رۊداوەگە کردنە."
قسەکەر سوپای پاکستان ژەنەڕاڵ بابار ئیفتیخار لە وەخت دیریگ لە رووژ پەنجشەممە، لە کۆنگرەیگ رووژنامەوانی وە فەرمی وردەکاری رۊداوەگە ئاشکرا کرد و جۊر پپێشێلکاریگ "ئاشکرا" ئەو کردەوە شەرمەزار کرد و وتیش موشەکەگە لە شارۆچکەی میان چانوو لە پارێزگای بەنجاب لە سنوور خوەرهەڵات کەفتیەسە خوار.
