"هەنەکی نییە".. خانمە جیگر سەرۆک فیلیپین داوا لە بکوشیگ کەێد سەرۆک و ژنەی بکوشێد
شەفەق نیوز/ سارە دوتیرتی خانمە جیگر سەرۆک فیلیپین، ئمڕوو شەممە، ئاشکرا کرد کە وەگەرد بکوشیگ کەینوەبەین کردیە کە وە پویل ئایەم کوشێد، تا سەرۆک وڵاتەگە وەگەرد ژنەی و سەرۆک پەرلەمان بکوشێد، هەناێ خوەی کوشێد، ئەوەیش لە هەڕەشەیگ کە ئاگاداری کرد کە یە هەنەکی نییە،
لەلای خوەییش، لۆکاس بیرسامین سکرتێر جیوەجیکار سەرۆک فیلیپین، ئەو هەڕەشە لەبان سەرۆک فردیناند مارکۆس دادە دەس پاسەوان سەرۆکایەتی تا ریکار کوتپڕ گونجیاگ جیوەجی بکەێد، وەگورەی خەوەر ئاژانس ئەسوشیتد پرێس.
تا ئیسە ئەو ریکارەیلە لەبان خانمە جیگر سەرۆک ئاشکرا نەوینە.
هەرلیوا، بەیاننامەیگ حکومەتی وت: لەپشت بەیاننامەی خانمە سەرۆک، دیارە وەگورەی باسکردن خوەی، وەگەرد بکوشیگ کەینوەبەین کردیە سەرۆک بکوشێد، ئەگەر ئەو پیلانە کە گوایە خوەی زانێد وەبانی بکریەێد، سکرتێر جیوەجیکار ئی هەڕەشە دادە دەس فەرماندەیی ئاسایش سەرۆکایەتی.
ناکۆکیەیل سیاسی لەناو فیلیپین بەرزەو بوود، و وەردەوەردە کەفتیەسە ناوەین دوتیرتی و لایەنگرەیلی وەگەرد سەرۆک و لایەنگرەیلی، و لە مانگ ئۆکتۆبەر گوزەشتە، لەبان مارکۆس سەرۆک فیلیپین وت: نیەزانێد چوین بوودە سەرۆک.
