هەڕەشەێ توند و تێژ وەزیر بێهداشت و دەرمان ئێران
شەفەق نیوز- وەزیر بێهداشت و دەرمان ئێران دە هەڕەشەیێگێ تازە وە وڵات وتگە: وەێجوورە ک دیارە ئوو ئیچۆنە ک دیریمن دچیمنە نوا، نەخشەێ کورونابەندی ئێران، لە سۆر دیرێ دچوو وەراو سیاتی.
ئەوی وت: ئێسە ئاڵنگ وسان مەردم دە رزگەێل دریژ مامر سەنین و شەونشینی و یەکاگرتنەێل ماڵ وە ماڵ شاروەندەێلە ئوو گەشتیارییەێل نەورووزانەێ وڵاتوەندەێلە، دیرێ ئەڕامان دکەفێگە دەر ئوو وەداخەوە گشتێ دیرن دەروەس وە ویرووس کورونا دبن.
ئەوی وتگە: ئیمە چەنێ وتیمن و کەس وە دەنگمان نەبی، ئێسەێش هەم هەڕەشە دکەیمن ک گشتێ بایەد هووشێیان وە یەکترەکی ببێ هەرچەن ک لە نوو دویشیمن؛ قەرار نییە ک ئیمە ئەڕا خوەش هاتن یا خوەش نەهاتن بڕێ، وڵاتوەندەێلە بهیلیمنە جییەو ئوو دوارە دەێ رووژەێلە گووشەجەڕەێ وڵات ددەیمن ک هەر پژمە و قوتە و قوڕگ‌ژانێ، بایەد وە کورونا بزانن و ویرێیان وە خوەیان ببێ.
ئەوی دە دوماقسەێ خوەێ وتگە: ئیمە ئات و پەیمان بەسیمنە ک وە بان ئی هەمگەێ کەم و کوڵییەوە ک دیریمن هیچ بیمارێ وە تەنیا و وە بێ‌تەخت نەهیلیمن.
