هیزگردن ئاگر گەپیگ لەناو بازاڕ میسری لە ئیستەنبوڵ
2024-05-15T08:57:47+00:00
شەفەق نیوز/ ئاگر گەپیگ، ئەمروو چوارشەممە، لەناو بازاڕ بەهارات کە وەناو بازاڕ میسری ناسیاس لە ناوچەی ئیمینونو لەناوڕاس ئیستەنبوڵ لە تورکیا هیز گرد.
محمد توران وەرپرس ناوچەگە وت: تیمەیل وەرگری شارستانی دویای هیزگردن ئاگرەگە وەکوتپڕ رەسینە شوینەگە، و ستوین دویکەڵ بەرزەو بوی.
دووپات کرد کە زەرەد گەورەیگ وە بازاڕەگە نەڕەسیە، وتیش: ئاگر لەو ناوچەیلە رخیگ لەبان بینا میژووەیل دروس کەێد.
