ئه‌رزانی ده ئێران
شه‌فه‌ق نیوز - دۆمای وتن نه‌تیجه‌ی ئنتخاباته‌گه‌ی ئامریکا، جی‌ئه‌ڵ‌جی، ده ئێران، دولار داخروومیا.
ئمڕوو نرخ دولار ده ئێران، سێ‌کوت خوه‌ی هاته خوار و له سی هزار تمه‌ن ره‌سی وه بیس هزار تمه‌ن.
بێ‌ژه ئه‌وه قیمه‌ت ماشینیش هه له‌ی‌وا وه‌ێ هات و پراید سه‌د و په‌نجا ملیوون تمه‌نی، سێ‌کوت خوه‌ی ئه‌رزانتره‌و بی.
خاسه بزانن ک ئمڕوو نه سه‌ڕافییه‌یله دولار وه بیس تمه‌نیش دسه‌نن، نه که‌سێ لا ئه‌ڵدکرد وه پراید وه نه‌وه‌د ملیوون تمه‌نی ک تا چه‌نی پێش وڵات ئه‌ڕایان سه‌ر و مل دشکنان.
یه‌مه دزانیمن ک وه دروو و وه ول نه‌بی ک ده ئێران، گشتێ چه‌مه‌ڕێ ئنتخاب بیین بایدن بین، تا بزانیمن ک له یه‌و لا سه‌ر‌ئه‌نجامێ دبێ وه چه؟
بڕێ له شیکاره‌یل ک ئی ئه‌و بان بردن قیمه‌ته‌یله، وه کار ده‌وڵه‌ت ئه‌ڕا پڕ کردن خه‌زانه‌ی په‌تی و هالی‌مه‌نه‌ی خوه‌ی دزانستن، دویشن ئه‌ر هه وه‌یجووره بچوو وه نوا، هاتێ ده‌وڵه‌ت ئه‌ڕا داین حوقووق کارمه‌ند‌یل و داین یارانه‌یل دابمینێ ده نامێ.
