هەڵگردن خوەراک لەلایەن وڵات چین رخیگ خستە ناو مەردمەگە
شەفەق نیوز/ قسەوباس مەردمەگە، چ لە شۊینە گشتیەیلە، یا لەناو ماڵەیلە، و هەمیش لەبان شۆسیال میدیا، جۊر رخیگ لەو داواکردنە ک وەزارەت بازرگانی وڵات چین لە هاووڵاتییەلی کرد، تا خوەراک و سەوزە ئەمار بکەن، بۊیە رۆژەفیگ لەناو کۆمەڵگا.
بەشیگ لە پیاوە پیرەیلەی ناو چایخانەیلەی ناوچەیل خوەمان، هووڵ خوەراک و سەنین هشکە و سەوزە گردنە، و بەشیگ لەلیان هەس وە (ئاخر زەمان) کەێد.
ژنیگ لەناو بازاڕەگە، داد لە دەس گرانی کەێد، ک شایەت تا چوار مانگ تر تەماتە وەدەسی نەکەفێد، چۊنکە وڵات مەزنیگ هەکاتی وڵات چین هووشداری لە قەیران گەورەیگ کردگە.
لەبان میدیایل پەیوەندییە کۆمەڵایەتییەکان، باس زەۊیلەرزە یا گەردەلۊل یا جەنگ جیهانی گەپیگ کریەێد، ک شایەت لەوەر ئەوە وڵات چین خوازێد خواردن خوەی هەڵگرێد.
بەشیگ هەس ک وەشیوەیگ خاستر چنە ناو باوەتەگە، ک وڵات چین ئاشکرای هووکار ئەو داوایە لە مەردمەگەی کردگە، چۊینکە خوازێد نوای بڵاوبۊن نوویگ لە ڤایرۆس کۆڤید-١٩ و بنچینەیل نووی بگرێد، دۊیای ئەوە ک خوەی یەکەم بنچینەی پەتاگە بۊی، و لە ووهان دەرچگ، و بڵاو بۊیە گشت جیهان، و خوەی وە شیوەی ئەڵاجەۊییگ قورتار خوەی کرد.
